මහරගම වෙළෙඳසලක් තුළ සිදු වූ මුදල් කොල්ලයේ CCTV දර්ශන

මහරගම  ප්‍රදේශයේ ඊයේ රාත්‍රීයේ සිදුවූ වෙඩි තැබීම සම්බන්ධයෙන් විශේෂ පරීක්ෂණයක් ආරම්භ කර තිබේ.
පොලීසිය පැවසුවේ, වෙළෙඳසලක මුදල් කොල්ලකෑමට පැමිණි පුද්ගලයෙකු සිදුකළ එම වෙඩි තැබීමෙන් පුද්ගලයින් දෙදෙනෙකු තුවාල ලබා ඇති බව ය.
මහරගම පිළියන්දල මාවතේ පිහිටි මෙම වෙළඳසලට ඊයේ රාත්‍රියේ 8 ත් 9ත් අතර කාලයේදී කොල්ලකරුවන් පැමිණි තිබේ.
හිස් වැසුම් හා ආරක්ෂිත කබා සහිතව පැමිණි ඔවුන් මුදල් කොල්ලකන අයුරු ආරක්ෂිත කැමරා පද්ධතියේ සටහන්ව තිබුණි.
පොලීසිය පැවසුවේ, වෙළෙඳසලේ සේවකයෙක් කොල්ලකරුවන් වැළක්වීමට ගත් උත්සාහයකදී ටී. 56 ගිනිඅවියකින් වෙඩි තබා පලා ගොස් ඇති බව ය.
වෙඩි වැදීමෙන් තුවාල ලැබූවන් මේ වන විට කළුබෝවිල ශික්ෂණ රෝහලේ ප්‍රතිකාර ලබයි.
ඉන් එක් අයෙකු ප්‍රතිකාර ලබන්නේ දැඩි සත්කාර ඒකකයේ ය.
සැකකරුවන් ලක්ෂ දෙකකට ආසන්න මුදලක් කොල්ලකා ඇති බව ද පොලිස් මාධ්‍ය ප්‍රකාශක කාර්යාලය සඳහන් කළේ ය.